Полициски службеници од Единицата за интервентна полиција при СВР Скопје вчера го лишиле од слобода 43-годишниот З.П. од Скопје, кој бил баран со судска наредба.
Како што соопшти МВР, лицето било приведено околу 18:10 часот на подрачјето на Аеродром, по наредба на Основниот кривичен суд Скопје.
З.П. бил баран за издржување затворска казна во траење од четири години за кривично дело „тешка телесна повреда“, предвидено во член 131 од Кривичниот законик.
Приведениот е предаден во Полициската станица Аеродром за понатамошна постапка.