Град Скопје доби пријава за непозната материја која од реката Лепенец се влева во Вардар, информираше Орце Ѓорѓиевски.
На терен веднаш излегле инспекциските служби на Градот, а известени се и инспекторите од Министерството за животна средина.
За детектирање на причинителот на оваа појава, градските инспекциски служби активирале и дрон.
Екипи од ЈП „Водовод и канализација“ веќе зеле примероци од водата за брза анализа и утврдување на материјата.
Ѓорѓиевски потенцираше дека одговорните за оваа појава ќе бидат соодветно санкционирани.
„Во комуникација сме со Министерството за животна средина и министерот и верувам дека за брзо време ќе биде откриен причинителот на оваа појава и соодветно санкциониран! Толеранција нема да има за никого!“, порача тој.
Јавноста ќе биде дополнително информирана веднаш штом пристигнат подеталните информации од надлежното Министерство за животна средина.