Здружението „Аутизам ААМК“ денеска во Скопје по седми пат го организира инклузивниот настан „Другарството е богатство“. Со почеток во 11 часот на локацијата „Школка“ во Градскиот парк, манифестацијата има за цел да ја зголеми свесноста за лицата со атипичен развој, повикувајќи на нивно безусловно прифаќање, почитување и целосна инклузија во општеството.
Според организаторите, просторот пред Школката ќе биде претворен во една голема отворена игротека.Програмата, која ќе трае сè до 14:30 часот, вклучува разновидни спортски, забавни, едукативни, музички и ликовни работилници, придружени со мноштво сценски настапи.
„Децата со атипичен развој сакаат да играат, да се смеат, да пеат, да другаруваат. Сакаат да бидат поканети на родендени, но и другите деца да доаѓаат на нивните. Најважното од сè – сакаат да бидат заедно со другите деца“, порачуваат од Здружението во нивното официјално соопштение.
Организаторите испратија и силна порака до семејствата на децата со типичен развој, повикувајќи ги да ги надминат стравовите и предрасудите кои најчесто произлегуваат од стравот кон непознатото. Тие нагласуваат дека ваквите настани се идеална можност за запознавање, едукација и градење на здраво инклузивно општество. За разлика од возрасните, посочуваат оттаму, децата гледаат со срцето и душата и сакаат заедно да растат и да си играат,