СВР Струмица поднесе кривична пријава против Ј.Т. (53) од Струмица, поради постоење основи за сомнение за сторено кривично дело „лихварство“.
Според соопштението, во периодот од 2023 до 2025 година, пријавената ја искористила тешката финансиска состојба на лица од Струмица, им давала пари на заем и за себе договарала и наплатувала несразмерно висока камата, со што стекнала противправна имотна корист.
Машко лице, кое неколку пати позајмило пари од неа, откако не успеало да ја плати каматата, добивало закани по својот живот и животот на членовите на неговото потесно семејство.
На 26 февруари 2026 година, пријавената се договорила со оштетениот да се сретнат во близина на нејзината куќа, при што полициски службеници од СВР Струмица кај Ј.Т. пронашле банкнота од 100 евра, претходно криминалистичко-технички обработена.