Да се биде прв човек на градот е чест, но пред сè – огромна одговорност. Одговорност пред секој граѓанин кој ја дал својата доверба со надеж дека конечно ќе види работа, ред и конкретни резултати.
Јас не сум дојден овде за да живеам на грбот на граѓаните, туку за тие да го почувствуваат бенефитот од нашето работење, нешто што со децении недостасуваше. Затоа, секојдневно работиме чесно и домаќински. Личниот пример е појдовна точка: возам сопствено возило, горивото го плаќам од сопствена плата, репрезентацијата ја пренаменивме за капитални проекти, а службените патувања си ги покривам сам.
Секој денар од буџетот мора да се врати назад кај граѓаните – во нови улици, булевари, мостови, почист град и подобри услуги кои суштински го менуваат Скопје.
За само шест месеци, градот што го затекнавме во длабока криза, го исправивме на нозе. Го вративме редот, ја вративме работата и ја вративме надежта дека Скопје може и мора поинаку. Пред нас се капитални проекти што ќе значат вистинска преродба за нашиот град, а темпото нема да застане. Напротив, продолжуваме со уште посилно темпо и уште поголема одговорност.
Не сме сите исти. Чесноста, транспарентноста и домаќинското работење се она што нѐ разликува од претходниците. Скопје заслужува градска власт која не троши за себе, туку работи за народот. Токму така ќе продолжиме и во иднина.