Идниот американски секретар за одбрана, Бенедикт Хегсет, упати сериозни критики до европските земји-членки на НАТО, обвинувајќи ги за недоволно инвестирање во сопствената безбедност и преголемо потпирање врз моќта на САД. Според него, додека Америка ја носи главната тежина на алијансата, Европа ужива во безбедноста без соодветен придонес.
„Америка плаќа, Европа наредува“
Во своите јавни настапи и во неговата книга, Хегсет детално го опишува својот став дека НАТО стана едностран сојуз во кој европските држави ги прекршуваат договорите за воениот буџет.
„Зошто Америка, која е ‘број за итни случаи’ на Европа веќе 80 години, треба да продолжи да ги субвенционира нациите кои склучуваат трговски договори со нашите противници, а во исто време ни држат лекции за правилно водење на војна?“ – се вели во дел од неговите тези.
Критика кон воената подготвеност
Хегсет не штедеше зборови ниту за реалната воена моќ на европските сојузници, нарекувајќи ги нивните армии „симболични“.
„Тие имаат армии кои не можат да поминат ни 100 километри без логистичка поддршка од САД. Тие сакаат да бидат суверени кога станува збор за политиката, но кога ќе дојде до одбрана, одеднаш сите погледи се насочени кон Вашингтон.“
Оваа реторика најавува можна промена во односите меѓу Вашингтон и Брисел, со голем притисок врз европските престолнини конечно да го исполнат ветеното ниво на воени трошоци од 2% од БДП.