Градежен работник паднал од висина во Кочани – итно е пренесен во Скопје

Вчера во 11:15 часот во Полициската станица Кочани, од Итна медицинска помош Кочани е пријавено дека кај нив со тешки телесни повреди  бил донесен В.Б.(50) од с.Соколарци, општина Чешиново – Облешево.

Според пријавеното, тој се здобил со повредите при извршување градежни  работи за фирма од Кочани, односно при пад од висина. Поради сериозноста на повредите В.Б. бил пренесен во Комплексот клиники „Мајка Тереза“ – Скопје за понатамошно лекување.

По овластување на јавен обвинител, увид на местото извршиле увидна екипа на ОВР Кочани во содејство со инспектор за безбедност и здравје при работа и инспектор за работни односи.