Студено утро на повисоките места, а значително потопло во јужните делови од земјава. Според мерењата на Управата за хидрометеоролошки работи (УХМР), во 10 часот најниска температура од 2 степени е измерена на Попова Шапка.
Во Лазарополе и Крушево се регистрирани 3 степени, додека во Скопје температурата достигнала 11 степени.
Најтопло во овој период од денот било во Гевгелија, каде се измерени 14 степени. Во Струмица, пак, температурата изнесувала 13 степени.
Разликата во температурите покажува дека утрово во земјава има значителни температурни разлики, со постудени услови во повисоките предели и поблаго време во југоисточниот дел од државата.
Времето денеска ќе биде со променлива облачност и повремени сончеви интервали. Ќе дува слаб до умерен ветер од северозападен правец, кој повремено ќе засилува, особено во делови од Повардарието. Утринските температури ќе се движат од 4 до 11 степени, додека дневните ќе достигнат од 9 до 15 степени.
Во главниот град се очекува претежно облачно време, проследено со слаб до умерен северен ветер. Температурата ќе се движи од минимални 7 до максимални 11 степени.
Од УХМР информираат дека во наредниот период Македонија ја очекува стабилно и суво време, со повремена облачност. Во следните неколку утра, вклучително и во петок и сабота, на одредени места можна е појава на магла. Од петок се очекува постепено разведрување, а викендот ќе донесе значително постудени утра, при што во некои делови од земјата температурите ќе се спуштат и под нулата.