Полицијата во Босна и Херцеговина спроведе координирана акција од голем обем при што беа уапсени 13 лица по извршените претреси на вкупно 16 локации.
Рациите биле извршени во регионите на Калесија, Живинице, Братунац, Шековиќи и Осмаци, каде што безбедносните сили откриле нелегално оружје.
Во операцијата учествуваа полициски структури од двата ентитета на земјата.
„Акцијата ја спроведоа припадници на Министерството за внатрешни работи на Тузланскиот Кантон во соработка со Министерството за внатрешни врати на Република Српска, под надзор на Кантоналното обвинителство, а со цел сузбивање на нелегалното поседување оружје.“
При претресите, полицијата се соочила со сериозни количини на воена опрема сокриена кај осомничените.
„При претресите биле одземени автоматски и ловечки пушки, пиштоли, минско-експлозивни средства, како и поголемо количество муниција и други предмети поврзани со кривични дела.“
По завршувањето на комплетната полициска обработка и документирање на случаите, сите осомничени лица ќе бидат предадени во надлежност на обвинителството.