Популарноста на ChatGPT се соочува со сериозен тест. Повеќе од 1,5 милиони луѓе веќе ги затворија своите профили, незадоволни од најновата соработка на OpenAI со воениот сектор на САД. Но, ако планирате да им се придружите и да преминете на конкурентот Claude, внимавајте – вашата дигитална меморија може да исчезне засекогаш.
Задолжителни чекори пред бришење на сметката:
- Извоз на податоци: Одете во Settings > Data Controls и изберете Export. OpenAI ќе ви испрати линк со целата историја на разговори на е-пошта.
- Рачно чистење: Пред дефинитивното гасење, избришете ги сите чувствителни и приватни разговори во самата апликација.
- Пренос на „меморијата“: Побарајте од ChatGPT да ги наведе сите ваши преференции и стилови на пишување кои ги научил за вас, за да можете лесно да ги внесете во новиот четбот.
Процесот на трајно бришење од серверите на OpenAI трае до 30 дена, па затоа е клучно претходно да ја осигурате вашата архива.