СВР Скопје целосно го расчисти случајот поврзан со кривичното дело „предизвикување општа опасност“, извршено на 15 јуни, кога беа опожарени две дипломатски возила во сопственост на Амбасадата на Република Бугарија во Скопје, соопштија од Министерството за внатрешни работи.
Од Одделението за криминалистички работи – Центар и Бит Пазар информираат дека вчера, по итна постапка, е поднесена кривична пријава против И.Д.С. (44) од Скопје, за кого постои основано сомнение дека го сторил наведеното кривично дело.
Во текот на истрагата биле обезбедени материјални докази, меѓу кои снимки од видео надзор од повеќе локации, како и облека што осомничениот ја носел во моментот на извршување на делото.
Според МВР, во полициска станица тој го признал извршувањето на кривичното дело.