Градоначалникот Орце Ѓорѓиевски денеска оствари работна средба со делегација на Мисијата на ОБСЕ во Скопје, предводена од Едвард Андерсон, шеф на Одделот за сигурност и поддршка на заедниците. Главен акцент на разговорите беше ставен на јакнењето на Локалните совети за превенција и нивната ефикасност на терен.
На средбата беа разгледани конкретни можности за унапредување на соработката помеѓу Град Скопје и Мисијата на ОБСЕ, со посебен фокус на јакнењето на Локалните совети за превенција и зголемување на нивната ефикасност; рече Ѓорѓиевски.
„Воедно, се дискутираше и за потребата од понатамошно зајакнување на стратешкото планирање, особено во пресрет на 2026 година.
Создавањето и одржувањето функционални Локални совети за превенција претставува клучен сегмент во градењето безбедни, стабилни и отпорни локални заедници.
Поддршката и партнерството со меѓународните организации, како што е ОБСЕ, имаат значајна улога во успешната имплементација на овие механизми и во унапредувањето на локалните политики за безбедност.
Оваа средба претставува уште една потврда за заедничката определба за отворен дијалог, партнерски пристап и континуирана соработка, во интерес на граѓаните и долгорочната стабилност на заедницата“, истакна Ѓорѓиевски.