Денес Градоначалникот на Град Скопје, Орце Ѓорѓиевски оствари значајна, работна средба со амбасадорката на Кралството Холандија, Н.Е. Озлем Канел, која претставува уште еден чекор кон јакнење на традиционално добрите и пријателски односи меѓу институциите.
На средбата беа разменети ставови и идеи за продлабочување на соработката преку заеднички проекти, со фокус на образованието, културата, локалниот економски развој и креативните индустрии.
Беше нагласена важноста на партнерскиот пристап, иновативните решенија и долгорочната визија, како основа за одржливи политики и подобрување на квалитетот на живот на граѓаните, при што беше изразена подготвеност за реализација на нови заеднички иницијативи од заемен интерес.