Фудбалерот на Тенерифе, Хесус де Мигуел Аламеда, почина во вторник наутро како последица на сериозна повреда доживена за време на натпревар. Напаѓачот настрада во понеделникот по судирот со противничкиот голман на мечот против Андора.
Информацијата за неговата смрт ја потврди клубот преку официјално соопштение, наведувајќи дека де Мигуел починал на 3 ноември 2026 година, во осум часот наутро.
– Скршени од болка и во неверица, со грутка во грлото, ја објавуваме трагичната вест за смртта на Хесус де Мигуел Аламеда. Нема зборови на утеха што можат да ја ублажат оваа голема тага – се вели во соопштението од клубот.
Од Тенерифе упатија длабоко сочувство до семејството, најблиските и сите почитувачи на неговата фудбалска кариера. Исто така, семејството на починатиот фудбалер се заблагодари за пораките за поддршка и побара максимално почитување на приватноста во овие тешки моменти.
Неочекуваната трагедија длабоко ја потресе и шокираше шпанската и европската спортска јавност.