Трагична вест ја потресе Македонија кога млад фудбалер, член на фудбалската школа Гроздановски, замина во смрт.
Петар Станисавовски според податоците од социјалните мрежи, го загубил животот во сообраќајна несреќа во Илинден.
-Со голема тага и неверување ја примивме веста за заминувањето на Петар. Дете и наш поранешен член кој одреден период тренираше во нашата школа и кој зад себе остави неизбришлива трага, добрина и спомени кои вечно ќе живеат меѓу сите што го познаваа.
Во овие тешки моменти изразуваме најискрено сочувство до неговото семејство, неговиот брат Марко, роднините и пријателите.
Нека му е вечна слава и вечен помен.
Почивај во мир Петар, напишаа од фудбалската школа Гроздановски.
Од младото момче, се простуваат многу роднини и пријатели на социјалните мрежи, а пишуваат и револтирани граѓани, според кои несовесното возење е секојдневие во Илинден.
Загубивме уште едно златно дете во трагична сообраќајка во индустриската зона до нас.Илинден. Го загубивме Петар. Додека вчера сите со неверување ја примивме веста , веднаш преку ноќ оние кои со тешка умисла ги подготвуваат следните “убиства” на улица наместо да жалат за загубата на Петар и барем некој ден да се стрпат од лудилото кое им го зема паметот еве видете како “слават” на ден кога сите изразуваат жалење за Петар.
Видеото е направено на 02.06.2026 година околу 01.00 часот од семејство кое живее на главната улица во Марино и секоја вечер нема мир од овие неписмени и издрогирани лудаци.
Колата е веќе на радар и набргу ќе биде пријавено во МВР за откривање на истото, а е едно од неколку што дивеат во вечерните часови во нашата општина.
Кој ќе се препознае нека знае дека крајот набргу му доаѓа и јавно ќе биде објавен.
Споделете за наша општа и колективна безбедност.
За нашите семејства и најмлади кои се немоќни од оваа елементарна неписменост, безобразлук и самоволие на лудаци под дејство на алкохол и дрога.
Почивај во мир златно дете Петар, стои во една објава.