Ребека Јанковска-Ристевски се прости од својот колега и пријател Владо Јаневски, на социјалната мрежа Инстаграм.
-Е тука си правевме планови, кај нас дома, во Чаир, на мојот 24ти роденден. Ти ми кажа дека имаш хит песна за мене. И така бидна Мачо. Ти благодарам за музиката, дружбите и долгите дискусии за поезија и животот. Патувај кон прегратките на Господа. Царство небесно , напиша Ребека за својот колега и пријател, Владо Јаневски.
Македонската музичка сцена вчера изгуби едно од своите најголеми и најпрепознатливи имиња. По кратко боледување, на 66-годишна возраст почина познатиот музичар и пејач кој себе остави богата музичка кариера со безброј хитови кои ја одбележаа македонската поп-музика во изминатите неколку децении.
Тој важеше за еден од најдобрите кантавтори и вокалисти на овие простори, чии рефрени се пеат од многу генерации.