Ведрана Рудан почина на 77-годишна возраст, а нејзиниот живот и нејзините цитати се сеуште топ тема во медиумите.
Имено, Ведрана Рудан се мажела двапати, а во првиот брак трпела злоупотреба, за што во една прилика и самата зборувала.
Како што истакнала, во брак биле 14 години и добиле две деца, ќерката Асја и синот Славен. Биле во голема љубов, но сè се распаднало.
– Првиот маж кој ги исполнуваше естетските критериуми – толку широки раменици, такви колкови, таква коса, прекрасна насмевка, такви очи – ете, ти си тој. Другите сигнали не сакав да ги видам. Мојот прв сопруг беше мојот татко, само во друга форма и многу полош, многу поперфиден и полукав. Еден ден те удира, другиот ти носи букет цвеќе и ти вели: „Не ме провоцирај, па сè ќе биде во ред“ – раскажала таа во една прилика.
Таа открила и дека додека била во брак го запознала помладиот адвокат Љубиша Драгељевиќ, со кого започнала љубовна врска, по што се развела.
Нејзиниот втор сопруг бил осум години помлад адвокат, Љубиша Драгељевиќ, со кого, според текстот, била во хармоничен брак и живееле во Риека.
– Љубиша ме научи на толеранција. Ме промени на подобро. А моите деца се многу пообразовани од мене. Славен прочитал илјадници книги, а Асја зборува четири јазици, но јас сум нивен лош ученик. Немам повеќе време за учење. Сепак, децата со самото свое раѓање ми покажаа дека постои безусловна љубов. Без оглед на тоа што ќе направат, јас би застанала зад нив. Не, секако, не зад постапката, но сигурно зад нив – рекла Рудан во една прилика.