Продолжуваме со реализација на проектите, тоа што е ветено треба да се реализира, рече денеска премиерот Христијан Мицкоски при поставување на камен-темелник за изградба на нова детска градинка во реонот кај салонот за „Мерцедес“, спроти Универзитетот ФОН.
Честитам на градоначалникот за експресно реализираната јавна набавка или да речам договор со операторот којшто ќе ја гради. Очекувам во рамките на рокот којшто го дефинирале да биде објектот изграден, истакна Мицкоски.
„Продолжуваме како Влада да ги финансираме проектите коишто значат додадена вредност за граѓаните, еден од тие објекти е и овој јас честопати велам секогаш онаму каде што има потреба од вакви објекти ние сме тука како Влада веднаш да реагираме. Се радувам да има повеќе дечиња коишто ќе ги користат овие објекти.
Така што нека е со среќа и уште еднашка честитки до градоначалникот, до советниците, до администрацијата во Општина Гази Баба, до пратениците коишто доаѓаат од Општина Гази Баба коишто се борат за проект повеќе за Гази Баба и убеден сум дека во оваа насока ќе продолжиме и во периодот којшто следи“, посочи Мицкоски.