На 29 август 2026 година, во 20:22 часот, во СВР Тетово преку бројот 112 било пријавено дека 37-годишната Н.С. од Република Бугарија исчезнала при искачување кон Титов Врв.
По пријавата веднаш била организирана потрага во која биле вклучени полициски службеници од СВР Тетово и Полициското одделение Попова Шапка, припадници на Специјалната антитерористичка единица „Тигар“, хеликоптер на Министерството за внатрешни работи, екипи на Дирекцијата за заштита и спасување и претставници на Националниот парк „Шар Планина“.
МВР
Жената вчера околу 15 часот била пронајдена во близина на месноста „Горна Лешница“ и бачилата „1-ви Мај“. Според информациите, била во добра здравствена состојба.
По пронаоѓањето, со теренско возило била пренесена од „Горна Лешница“ до Попова Шапка. Оттаму со возило на Итната медицинска помош ќе биде транспортирана во Клиничката болница во Тетово за лекарски преглед и укажување медицинска помош.