Дванаесет мигранти се пронајдени во патничко возило „мерцедес“, откако возачот претходно одбил да застане на полициски знак, предизвикал сообраќајна несреќа и побегнал во непознат правец.
Случајот во СВР Скопје бил пријавен вчера, на 17.06.2026 година околу 19:47 часот, кога било соопштено дека на автопатот од Градско кон Скопје се движи сомнително возило со регистарски таблички кои припаѓале на друг автомобил.
Откако возачот не застанал на знакот за запирање издаден од полицијата, на клучката кај Миладиновци свртел назад и продолжил да се движи по земјен пат во селото Блаце, општина Петровец.
Бегајќи од полицијата, возачот изгубил контрола и со возилото удрил во дрво, по што веднаш излегол и го напуштил местото на настанот.
Полициските службеници по пребарување на теренот го пронашле оставеното возило, во кое биле затекнати 12 мигранти. Меѓу нив, пет лица биле со потекло од Египет, додека останатите седум биле од Турција.
Мигрантите веднаш се обезбедени и во тек е нивно сместување во транзитниот центар Табановце.
Од Министерството за внатрешни во работи информираат дека во моментов се преземаат интензивни мерки за пронаоѓање на возачот и за целосно расчистување на случајот.