Надлежните институции во моментов ја испитуваат можноста за навлегување на фекално загадување во мрежата на водата во Гостивар, по што било извршено дополнително хлорирање.
Комплетниот извештај на Институтот за јавно здравје веќе е доставен до обвинителството, а се чека и негово официјално објавување од страна на надлежните органи.
Од Јавното обвинителство ја потврдуваат акцијата и излегоа со конкретен став за натамошните чекори на правосудните органи:
„Јавното обвинителство и натаму презема истражни дејствија за прибирање докази. Сите прибрани докази до овој момент, како и доказите кои допрва се очекува да бидат доставени се анализираат за да се утврди состојбата од која ќе произлезе правна квалификација на евентуално сторено кривично дело и идентификација на сторителите. Постапката се уште е во фаза на предистрага која е тајна. Веднаш по утврдување на сите околности и донесување на соодветна јавнообвинителска одлука јавноста ќе биде запознаена.“