Четириесет и седумгодишен бугарски државјанин е лишен од слобода и протеран од Македонија откако вчера се обидел да влезе во земјава носејќи недозволени предмети. Инцидентот се случил на 12.01.2026 година во 13:30 часот на Граничниот премин Деве Баир. Полициски службеници, во содејство со царината, извршиле преглед на возило „хонда џез“ со бугарски регистарски ознаки, управувано од Н.И.Л. (47).
При контролата, во автомобилот биле пронајдени и одземени метален боксирач и транспарент со навредлива содржина. Лицето веднаш било изведено пред Основниот суд во Крива Паланка, кој му изрекол парична глоба и санкција „протерување на странец од земјата“ во траење од една година. Рано утрово, во 02:10 часот, Н.И.Л. е спроведен до граничната линија и преуче на бугарските погранични служби.