Стапката на слободни работни места во првото тримесечје од годинава изнесува 2,07 проценти, покажуваат податоците на Државниот завод за статистика.
Најголем број слободни работни места, 2.346, се евидентирани во петтата група занимања – работници во услужни дејности и продажба.
На регионално ниво, Вардарскиот Регион бележи највисока стапка на слободни работни места од 2,28 проценти.
Според дејностите, највисока стапка од 4,94 проценти е регистрирана во секторот „Сместување и послужување храна“, додека најниска од 0,15 проценти има во секторот „Снабдување со електрична енергија, гас, пареа и климатизација“.
Деловните субјекти со 10 до 49 вработени имаат највисока стапка на слободни работни места од 3,05 проценти.