Македонската манекенка Дунавка Трифуновска, се огласи на Фејсбук, за да се прости од Владо Јаневски.
-Си замина отако ми ги оствари сите желби, ме однесе секаде со тебе каде што ќе посакав, ми купи се што сакав, спиев до тебе кога јас сакам и ми ги откри тие тајни што ти ги сакаше.
Знаев дека без тебе Скопје повторно ќе биде главен град на тагата.
Исто како во нашиот спот за Скопје.
Чаршија нема лик, а усти илјада…така ти напиша.
Дунавка, ние успеавме бидејќи не се откажавме и кога беше најтешко, напиша Дунавка.
Инаку, Дунавка ја има главната улога во спот на Владо за песната „Главен град на тагата“.
Македонската музичка сцена вчера изгуби едно од своите најголеми и најпрепознатливи имиња. По кратко боледување, на 66-годишна возраст почина познатиот музичар и пејач кој себе остави богата музичка кариера со безброј хитови кои ја одбележаа македонската поп-музика во изминатите неколку децении.
Тој важеше за еден од најдобрите кантавтори и вокалисти на овие простори, чии рефрени се пеат од многу генерации.