По задолжение на Директорот на Државниот просветен инспекторат, а по иницијатива доставена од деканот на Филозофскиот факултет при УКИМ, извршен е вонреден инспекциски надзор во однос на запишувањето студенти на втор и трет циклус студии со завршен прв циклус стручни студии.
При надзорот се утврдени неправилности и отстапувања од законските и подзаконските прописи. Констатирано е дека дел од студентите биле запишани на втор и трет циклус студии без да ги исполнуваат условите, односно без завршен прв циклус академски студии со најмалку 240 ЕКТС кредити. Наместо тоа, тие поседувале 180 ЕКТС кредити од стручни студии, кои биле комбинирани со 60 ЕКТС кредити од специјалистички студии (180+60), што не е дозволено согласно закон, правилници, конкурс и студиски програми.
За овие нерегуларности, како и за други пропусти во работењето на високообразовната установа изготвен е записник со задолженија и донесени се решенија за постапување со соодветни рокови, по што ќе следи повторен инспекциски надзор за да се увиди дали е постапено. За вкупно 7 студенти донесени се решенија за поништување на уписот и стекнатиот статус, соопшти Државниот просветен инспекторат.
- Конески: Владината мерка за студентско практикантство ќе ги доближи младите до институциите
- Нова дигитална алатка: „Where Are You“ пристигнува за граѓаните
- Во четврток почнува судскиот процес за серискиот убиец од Старо Нагоричане
- Млада скопјанка пронајдена почината во стан во Аеродром
- Камбовски: Правилникот за надосместоците на судиите-поротници е стар повеке од 15 години
- Стојаноски: Ќе прифатиме се што ќе договорат опозициските партии, ако биде прифатен нашиот став – дијаспората да може да гласа
- Економија: Дел од поскапувањето не се должи на реални трошоци, туку на напумпување цени
- По подолго време пад на трошоците на живот
