Вчера во 15:00 часот, полициски службеници од ОВР Македонски Брод на местото викано „Барбарас“ во Македонски Брод го лишија од слобода И.М. (68) од с. Дебреште, општина Дебреште. При контрола на патниот сообраќај, полициските службеници забележале возило „рено“ со скопски регистарски ознаки, управувано од И.М., во кое се превезувала бесправно пресечена дрвна маса, информираа од МВР.
Откако му бил даден знак да застане, возачот не ги почитувал наредбите и продолжил да се движи со зголемена брзина кон службеното возило на полицијата, при што еден полициски службеник испукал предупредувачки истрел во воздух.
И.М. бил веднаш приведен во Полициската станица Македонски Брод, а по целосно документирање на случајот ќе биде поднесена соодветна пријава.