До крајот на годината не се очекуваат позначајни промени во проекциите за економскиот раст и буџетскиот дефицит, изјави министерката за финансии Гордана Димитриеска-Кочоска.
Таа посочи дека растот во вториот квартал изнесува 4,3 проценти, а буџетскиот дефицит и задолжувањата ќе останат во рамките на предвиденото со Ребалансот на Буџетот.
„До крајот на годината не очекуваме позначајни промени и остануваме на проекцијата што ја имавме“, рече Димитриеска-Кочоска.
Според неа, полнењето на Буџетот е во рамките на планираното, со исклучок на акцизата, а глобалната економска неизвесност и натаму останува.