Поради планирани технички зафати во електродистрибутивната мрежа, неколку скопски општини денеска ќе се соочат со привремени прекини во снабдувањето со електрична енергија, соопштуваат од ЕВН Македонија.
Најдолг прекин е најавен во општина Илинден, каде од 08:00 до 15:00 часот без струја ќе бидат корисниците од улицата „Кадино Село“.
Во општините Чучер Сандево и Бутел, во периодот од 08:30 до 13:30 часот, без електрична енергија ќе останат дел од потрошувачите на улиците „Призренска“ и „Кучевишка Бара“.
Прекини ќе има и во општина Карпош, каде од 09:00 до 13:00 часот без напојување ќе бидат дел од корисниците на улицата „Џумајска“.