Повеќе делови од Скопје денеска ќе имаат привремени прекини во снабдувањето со електрична енергија поради планирани работи на електродистрибутивната мрежа.
Од 8:00 до 10:00 часот без струја ќе бидат корисниците на улицата „Антон Попов“, како и Основното општинско училиште „Кузман Јосифовски-Питу“ во општина Кисела Вода.
Во периодот од 9:00 до 12:00 часот електрична енергија нема да имаат дел од жителите на улицата „31“ во населбата Волково, во општина Ѓорче Петров, како и дел од селото Добри Дол во општина Сопиште.
Дополнително, од 10:00 до 14:00 часот без струја ќе останат дел од корисниците на улицата „81“ и околните улици во Волково, додека од 9:30 до 14:30 часот прекин во снабдувањето е најавен за дел од улиците во околината на Старечкиот дом во Ѓорче Петров.
Од Регионалниот центар за управување со кризи информираат дека прекините се резултат на планирани зафати и одржување на електродистрибутивната мрежа.