Поради планирани технички интервенции на електродистрибутивната мрежа, неколку скопски општини денеска ќе се соочат со привремени прекини во снабдувањето со електрична енергија. Регионалниот центар за управување со кризи (РЦУК) информира дека зафатите се изведуваат по известување од ЕВН Македонија.
Најдолг прекин е најавен во општина Карпош, поточно во Момин Поток.
„Во периодот од 08:30 до 15:00 часот, без електрична енергија ќе останат корисниците од улиците 1506 и 1550 во населбата Момин Поток, како и деловните објекти на компаниите ‘Електроводомонт’ и ‘Европа 92’“, се вели во соопштението.
Проблеми со напојувањето ќе има и во Сарај, каде во периодот од 09:30 до 14:00 часот без струја ќе бидат селата Рашче, Копаница, Бојане, како и дел од Кондово и самата каптажа Рашче.
Во Центар, прекините се планирани во интервалот од 11:00 до 13:00 часот, а ќе бидат опфатени делови од улиците „Рилски Конгрес“ и „Ѓорѓи Скрижевски“.