По последните промени на цените и поскапувањето на дизелот , се поставува прашањето дали се исплати да возите дизел автомобил.
Ако се тргнат на страна сите оние приказни околу загадувањето и екологијата и се прави математика само низ призма на трошоци, веројатно ќе има многу спротивставени мислења дали со 101,5 денари литар дизел повеќе се исплати колата да ви беше на бензин.
Дизелот во моментов е 8 денари поскап од бензинот, слично како и на почетокот на овој месец. Некаде на почетокот на април дизелот беше дури 13,5 денари поскап од бензинот.
До почетокот на февруари годинава имавме некои „нормални“ цени, во кои дизелот беше 4 до 5 денари поевтин од бензинот, но од февруари до денеска дизелот беше поевтин од бензинот само 4 недели, една во јуни и три во јули.
Слична ваква ситуација имавме и летото во 2022 година кога литар дизел стана речи си 15 денари поскап од бензинот. Тогаш работите се нормализираа некаде на почетокот на декември.