Проектот за модернизација на јавниот превоз во Македонија влегува во клучна фаза. На тендерот за набавка на електрични автобуси, распишан од Министерството за транспорт и врски, пристигнаа четири понуди. Евалуацијата на апликациите ќе започне веднаш по Велигденските празници.
Од Министерството се оптимисти дека овојпат процесот ќе биде успешен:
„Доколку тендерот биде успешен, првите 30 автобуси треба да стигнат во септември“, изјавија од Министерството за транспорт и врски за СДК.МК.
Целиот проект има проценета вредност од околу 51 милион евра, што го прави еден од најголемите инфраструктурни зафати во транспортот во земјава. Ова е втор обид за реализација на набавката, откако минатата година претходниот тендер пропадна поради неисполнување на условите од страна на единствениот понудувач.