Цените на нафтата на светските берзи денеска забележаа остар пад, спуштајќи се на најниското ниво во изминатите неколку месеци. На меѓународните пазари, реперот „Брент“ се тргуваше по цена од 72,56 долари за барел, додека американската лесна нафта (WTI) се спушти на 69,48 долари за барел.
Главната причина за ваквиот тренд е намалувањето на тензиите околу глобалното снабдување со енергенси. Како што пренесува „Трејдинг економикс“, стабилизацијата доаѓа по зголемениот сообраќај на танкери низ Хормутскиот Теснец, но и поради сигналите за напредок во дипломатските разговори меѓу САД и Иран.
Овие геополитички поместувања ги смирија инвеститорите и ги намалија стравувањата од можни прекини во испораките, што веднаш резултираше со пад на цените на светските енергетски пазари.