Економско-социјалниот совет денеска ќе ја одржи редовната седница, на која ќе бидат разгледани повеќе прашања поврзани со неговото работење и актуелни економски теми.
Меѓу точките на дневен ред е годишната програма за работа на Советот, а претставници од Министерството за образование ќе го презентираат и новиот закон за високо образование.
Според најавите од заменик-министерот за економија Марјан Ристески, мерките за справување со растот на цените на храната и горивата не се официјално вклучени во агендата, но не е исклучена можноста тие да бидат тема на разговор.
Економско-социјалниот совет е составен од 12 членови – по четири претставници од Владата, од репрезентативните синдикати и од здруженијата на работодавачи на национално ниво.