Силниот бран на сезонски грип ги преполни болничките капацитети во Скопје, непосредно пред новогодишните празници.
Клиниката за респираторни заболувања кај децата „Козле“ работи со полн капацитет, а лекарите предупредуваат дека клиничката слика кај голем број деца е сериозна. Дневно низ амбулантите на „Козле“ поминуваат и до 250 деца, додека болничките кревети се речиси целосно исполнети.
Во моментов, околу 80 деца се хоспитализирани со дијагноза пневмонија, а пет деца се на кислородна поддршка поради тешка клиничка состојба. Пациентите се од различни возрасни групи – од доенчиња до деца на школска возраст.
Лекарите апелираат на зголемено внимание и навремена заштита, со цел да се намали ризикот од сериозни компликации кај најмладите пациенти.