Министерката за енергетика Сања Божиновска денеска во Брисел ќе учествува на основачкиот собир на европската Мрежа на жени лидери во јавниот сектор за климатски прашања, каде што е поканета да стане членка на Управувачкиот комитет.
Новата платформа има за цел да ја поттикне соработката за енергетската транзиција, обновливите извори, климатската отпорност и енергетската сигурност.
Од Министерството за енергетика посочуваат дека учеството отвора можности за размена на искуства, нови партнерства и вклучување на македонските приоритети во европските иницијативи за одржлива енергетика.