30 штеки цигари заплениле битолските апаши откако извршиле тешка кражба во маркет на улицата „Север-Југ“, но планот за брза заработка им пропаднал уште истиот ден.
Инцидентот се случил кога двајцата крадци насилно упаднале во локалниот дуќан и го испразниле рафтот со тутунски производи, по што експресно побегнале и се сокриле во стан кој заеднички го користеле.
При детален претрес во домот, полициските инспектори од СВР Битола го пронашле целиот украден товар и веднаш му го вратиле на оштетениот сопственик на маркетот.
За време на проверката на идентитетот на апашите, полицијата открила дека 35-годишниот Ѓ.З. всушност бил под потерница бидејќи претходно избегал од Казнено-поправната установа Затвор Прилеп.
Заедно со него, лишен од слобода е и 29-годишниот А.Ј., исто така жител на Битола.
Бегалецот веднаш е спроведен назад во прилепскиот затвор за доиздржување на преостанатата казна од осум месеци, додека за новата кражба на двајцата им следуваат соодветни пријави.
- „На 24.07.2026 во Битола, полициски службеници од СВР Битола ги лишија од слобода Ѓ.З.(35) и А.Ј.(29), двајцата од Битола. Тие се сомничат дека истиот ден извршиле тешка кражба во маркет на ул.„Север-југ” во Битола, при што украле околу 30 штеки различни цигари. При претрес во домот, кој го користеле, било пронајдено украденото и било вратено на сопственикот. По дополнително преземени мерки било констатирано дека Ѓ.З. бил баран по потерница поради бегство од Казнено – поправната установа Затвор Прилеп, од каде понегнал и каде што издржувал затворска казна. Тој бил спроведен во установата за издржување на казна затвор од осум месеци. По документирање на настанот ќе следуваат соодветни поднесоци“, соопштија од полицијата.