Мал авион во пламен се урна на автопат во американската сојузна држава Тексас во текот на вчерашниот ден. Несреќата предизвика паника меѓу локалното население, кое веднаш притрчало на помош.
Инцидентот се случил на автопатот 59 во градот Ларедо во вторникот вечерта, откако очевидци пријавиле дека забележале летало зафатено од оган како со голема брзина се движи кон земјата.
Веднаш по падот, на социјалните мрежи почнаа да кружат драматични снимки на кои се гледа како случајни минувачи и спасувачки екипи со сите сили се обидуваат да стигнат до заробените луѓе.
Сведоците на настанот ги кршеле прозорците на пилотската кабина за да го извлечат пилотот и со алат ги обивале вратите на авионот за да дојдат до останатите патници во кабината.
Според првичните и сè уште непотврдени информации, во леталото во моментот на несреќата имало најмалку шест лица.
Локалните извори пренесуваат дека во падот загинало најмалку едно лице, но надлежните власти сè уште одбиваат официјално да ги потврдат бројките и идентитетот на настраданите.
Истражните органи се на терен, а во моментов останува непознато кои се точните причини кои довеле до падот на авионот.