На 2 април 2026 година, околу 09:00 часот, полициски службеници од Полициската станица Ростуше ја лишија од слобода А.А. (45) од село Скудриње, општина Маврово и Ростуше.
Акцијата е спроведена врз основа на судска наредба и активна потерница, со која на осудената ѝ е изречена казна затвор од пет години и шест месеци за сторено кривично дело согласно член 190 и член 45 од Кривичниот законик.
По лишувањето од слобода, А.А. веднаш е спроведена во казнено-поправна установа за издржување на казната.