Водата за пиење во Скопје е безбедна, покажуваат резултатите од најновиот неделен лабораториски извештај, соопшти ЈП „Водовод и канализација“ – Скопје.
Испитувањата ги спровел Секторот за санитарна контрола во периодот од 10 до 14 август. Во тој период биле земени вкупно 211 примероци за физичко-хемиска и уште 211 примероци за микробиолошка анализа.
Примероците биле собрани од 45 мерни места на територијата на Град Скопје.
Од „Водовод и канализација“ информираат дека според добиените резултати, сите анализирани примероци ги исполнуваат условите пропишани со Правилникот за барањата за безбедност и квалитет на водата за пиење.