Водата во Скопје е целосно безбедна за пиење, покажуваат резултатите од микробиолошката анализа на 192 примероци земени од 48 мерни места низ градот.
ЈП „Водовод и канализација“ – Скопје денеска соопшти дека Секторот за санитарна контрола во периодот од 9 до 13 март земал по 192 примероци за физичко-хемиска и микробиолошка анализа на вода за пиење од различни локации низ градот.
Според добиените резултати, сите примероци ги задоволуваат барањата од Правилникот за безбедност и квалитет на водата за пиење (Службен весник на РМ, бр.183/18), соопшти ЈП „Водовод и канализација“ – Скопје.