Полициски службеници од Полициското одделение Маврово привеле 33-годишен државјанин на Авганистан, откако при сообраќајна контрола во такси возило кај него биле пронајдени марихуана и ризли.
Како што информира МВР, Ш.М.А. бил лишен од слобода на 30 септември во 11:05 часот на местото викано „Бунец“, додека се превезувал во такси возило со скопски регистарски ознаки.
По приведувањето, лицето било задржано во полициска станица, а потоа било изведено пред судија од Основниот суд во Гостивар. Судот му изрекол соодветни прекршочни санкции, како и мерка забрана за влез во Македонија во траење од една година.