Од утре, четврток (2 октомври), земјата влегува под портокалов метеоаларм: на повеќе места се очекуваат обилни врнежи од дожд, локално и над 30–50 литри на квадрат. На повисоките планини врнежите ќе преминуваат во снег и ќе се формира поизразена снежна покривка, особено на северозападните масиви. Ќе дува умерен до засилен северен ветер што дополнително ќе го спушта „чувството“ на студ.
Во Скопје – облачно, студено и повремено со поинтензивни врнежи, со дневна до околу 11 °C. Најстудено ќе биде во планинските места (Маврово со утрински околу 1 °C и дневни 3 °C), а најтопло на југоистокот (Гевгелија околу 13 °C). Во петок останува свежо и нестабилно, а од сабота следува стабилизација: суво време, многу ниски утрински температури (понекаде и под нулата) и постепен пораст на дневните максимумu во првата половина од следната недела.
Совет за граѓаните: планирајте ги патувањата внимателно, внимавајте во подрачја склони на поплавување, возете со намалена брзина поради лизгави коловози, а планинарите нека сметаат на зимски услови над 1.500 м и соодветна опрема.