Полициски службеници од СВР Скопје вчеравечер лишија од слобода две малолетнички од Скопје поради сомнение за физички напад, одземање предмети и снимање на друга малолетничка на подрачјето на Центар.
Според полициските информации, приведувањето се случило на 19.11.2026 година во 19:50 часот, по претходна пријава за инцидент кој се случил околу 18:10 часот.
Во пријавата било наведено дека двете малолетнички пресретнале друга малолетничка, при што едната физички ја нападнала, додека другата ѝ одзела лични работи и пари и целиот настан го снимала со мобилен телефон.
Од Министерството за внатрешни работи информираат дека по целосно документирање на случајот против нив ќе следува соодветен поднесок.

