Close Menu
Press24
    Најново

    Ѓорѓиева: Со Предлог-Буџетот за 2027 година се става акцент на инфраструктурни проекти и развој на локалната самоуправа

    18.11.2026 во 19:08

    Јаневска на одбележувањето 80 години Фулбрајт програма: Академската размена гради трајни вредности, партнерства и меѓусебна доверба

    18.11.2026 во 18:50

    11-годишно дете нападнато со дрвен предмет од 63-годишен маж

    18.11.2026 во 18:41
    Facebook X (Twitter) Instagram
    • Ѓорѓиева: Со Предлог-Буџетот за 2027 година се става акцент на инфраструктурни проекти и развој на локалната самоуправа
    • Јаневска на одбележувањето 80 години Фулбрајт програма: Академската размена гради трајни вредности, партнерства и меѓусебна доверба
    • 11-годишно дете нападнато со дрвен предмет од 63-годишен маж
    • Потоп во Белград: Силното невреме ги поплави улиците, сообраќајот целосно блокиран
    • МВР: Сите вработени повторно имаат здравствено осигурување
    • Пленковиќ: Хрватска нема да прави отстапки за Србија и Црна Гора на патот кон ЕУ
    • Иванов: Предлог буџетот за 2027 година се темели на три принципи, економски раст, финансиска стабилност и подобрување на животниот стандард на граѓаните
    • Арсова: Со Предлог Буџетот за 2027 се зголемуваат средствата за клиничките центри во Скопје и Штип
    • Најново
    • Популарно
    • Маркетинг
    • Импресум
    Facebook Instagram TikTok
    Press24Press24
    • Насловна
    • Македонија
      • Политика
      • Скопје
      • Црна хроника
    • Бизнис
    • Свет
      • Регион
    • Забава
    • Спорт
    • Технологија
    • Интервју
    Press24
    Home » Ѓорѓиева: Со Предлог-Буџетот за 2027 година се става акцент на инфраструктурни проекти и развој на локалната самоуправа

    Ѓорѓиева: Со Предлог-Буџетот за 2027 година се става акцент на инфраструктурни проекти и развој на локалната самоуправа

    18.11.2026 во 19:083 Mins Read
    Сподели
    Facebook Twitter WhatsApp

    Весна Ѓорѓиева, пратеничка од редовите на ВМРО-ДПМНЕ, на денешната седница на Комисијата за финансирање и буџет, истакна дека Предлог-Буџетот за 2027 година освен што се разгледува низ призмата на финансиските показатели на истиот, предвид треба да се земат и неговата развојна функција, и резултатите што истиот треба да ги донесе.

    Ѓорѓиева посочи дека еден од условите за економски развој на државата е подобрувањето на инфраструктурата, истакнувајќи дека за капитални расходи кои се однесуваат на капитални инвестиции, со Предлог-Буџетот за 2027 година, предвидени се 40,8 милијарди денари. Пратеничката Ѓорѓиева се надоврза и кажа дека особено е важна поддршката на локалната самоуправа и смета дека истата и понатаму треба да биде приоритет.

    „Она што посебно сакам да го истакнам се капиталните расходи, за кои се предвидени 40,8 милијарди денари. Овие капитални расходи се однесуваат на капиталните инвестиции кои се основа за подобрување на инфраструктурата и создавање услови за економски развој. Капиталната инвестиција не треба да остане само бројка во буџетот. Таа треба да стане конкретен проект со јасен рок, квалитетна реализација и видливи резултати, како што беше во текот на овие две години откако ВМРО-ДПМНЕ е на власт“, рече Ѓорѓиева и додаде:

    „Сакам да ја нагласам и важноста на поддршката на локалната самоуправа. Развојот на една држава не се случува само на централно ниво, туку тој започнува и во општините, каде што граѓаните секојдневно ги чувствуваат резултатите од јавните политики преку образованието, детската заштита, културата, противпожарната заштита и комуналните услуги. Сметам дека е важно и понатаму да се создаваат услови за дополнителна поддршка на општините, особено за проектите од локално значење. Граѓаните очекуваат конкретни резултати во средините каде што живеат, а наша обврска е да ги поддржиме сите тие политики што ќе го овозможат тоа“.

    Ѓорѓиева ја истакна и важноста на мерките за вработување и посочи дека за нив, во Предлог-Буџетот за 2027 година, се предвидени 2,8 милијарди денари, кои средства, како што вели Ѓорѓиева треба да придонесат кон отворање на нови можности за вработување и поддршка на младите во државата.

    „Исто така, сакам да ја истакнам и важноста на активните мерки за вработување, за кои се предвидени 2,8 милијарди денари. Овие средства треба да придонесат кон отворање нови можности за вработување, поддршка на младите и подобро искористување на потенцијалот на домашната работна сила“, појасни Ѓорѓиева и додаде:

    „Особено е важно да создадеме услови за младите луѓе да ја гледаат својата иднина тука, во нашата држава. Тоа подразбира повеќе можности за работа, подобри услови за професионален развој, поддршка на стопанството и привлекување на инвестиции што ќе создаваат нови и квалитетни работни места“.

    Ѓорѓиева на крајот кажа: „Нашата обврска не завршува со неговото усвојување, напротив, туку започнува најважниот дел, односно да обезбедиме секој планиран денар да биде преточен во конкретен резултат, а секоја најавена инвестиција да стане реалност“.

    Прочитај повеќе

    Иванов: Предлог буџетот за 2027 година се темели на три принципи, економски раст, финансиска стабилност и подобрување на животниот стандард на граѓаните

    18.11.2026 во 17:40

    Арсова: Со Предлог Буџетот за 2027 се зголемуваат средствата за клиничките центри во Скопје и Штип

    18.11.2026 во 17:35
    Facebook X (Twitter) Instagram
    • Насловна
    • Најново
    • Импресум
    • Маркетинг
    Њу Медиа Комјуникејшн © 2010 | сите права заштитени

    Type above and press Enter to search. Press Esc to cancel.