Пилот загина откако авион на Војската на Србија се урна во нива меѓу Нова и Стара Пазова, што било официјално потврдено за Радио-телевизија Србија (РТС).
Станува збор за авион МиГ-29 од составот на 204. воздухопловна бригада, која е стационирана на аеродромот во Батајница. На местото на несреќата веднаш излегоа припадници на Војската на Србија, полицијата и Воената полиција, како и екипи на пожарникари и итната медицинска помош.
Засега нема официјални информации за причините што довеле до падот на авионот, а Министерството за одбрана сè уште не се огласило со официјално соопштение во врска со оваа трагедија.

