Во рамките на засилените мерки за сузбивање на криминалот, полициски службеници од ОВР Кичево вчера (08.11.2026), околу 13:10 часот, го лишиле од слобода 45-годишниот П.Ј. од Кичево.
Како што соопшти Министерството за внатрешни работи (МВР), акцијата била реализирана од страна на криминалистичката полиција при ОВР Кичево, која постапувала по претходно издадена судска наредба.
При претресот извршен во домот на осомничениот, полициските службеници пронајдоа и одзедоа бела прашкаста материја, како и фолии со видливи траги од кафеава материја, кои се преземени за понатамошно вештачење.
Од МВР информираат дека по целосно документирање на случајот, против лицето ќе биде поднесена соодветна пријава.