Тешка сообраќајка во скопско: Мотоциклист заврши на Ургентен по судир со автобус

Дваесет и петгодишен мотоциклист се здобил со тешки телесни повреди во сообраќајна несреќа што се случила вчера попладне во селото Студеничани, скопско.

„Вчера во 14:30 часот во СВР Скопје е пријавено дека на ул. „1“ во с. Студеничани, скопско, се случила сообраќајна несреќа помеѓу мотоцикл „сузуки“ со скопски регистарски ознаки управуван од С.О.(25) од с. Долно Количани, скопско и автобус со скопски регистарски ознаки управуван од Г.Н.(52) од с. Таор, скопско.

Во несреќата со тешки телесни повреди се здобил мотоциклистот, констатирани во Ургентен центар при комплекс клиники „Мајка Тереза“ во Скопје.

Извршен е увид од увидна екипа на СВР Скопје“, соопштија од МВР.