Во 10 часот утрово, најниска температура од 1 степен Целзиусов е измерена на Попова Шапка, додека 4 степени се измерени во Крушево и Лазарополе.
Во Скопје температурата изнесува 10 степени, а најтопло е во Гевгелија, каде се измерени 14 степени. Во Кавадарци се измерени 13 степени.
Ова се податоците од мерењата на Управата за хидрометеоролошки работи (УХМР).
Денот ќе помине во знакот на променливо облачно време, со повремени сончеви интервали. Во утринските часови во некои котлини можна е појава на магла, а во текот на денот ќе дува слаб до умерен ветер од северен правец.
Утринските температури ќе се движат од 2 до 8 степени, додека дневните ќе достигнат од 12 до 18 степени.
Во Скопје се очекува променлива облачност, проследена со слаб до умерен северен ветер. Температурата наутро ќе се спушти до 6 степени, а преку денот ќе достигне 17 степени.
Стабилни временски услови се очекуваат до недела, со повремени сончеви периоди. За време на викендот утрата ќе бидат постудени, а температурите на места ќе се спуштат и под нулата. Во котлините повторно ќе има услови за магла. Од почетокот на следната седмица облачноста ќе биде променлива, а локално е можна и појава на слаб дожд.