Жителите на населбите Маџари, Хиподром и Трубарево во Општина Гази Баба денеска од 10:40 часот се соочуваат со прекин во водоснабдувањето.
Од Јавното претпријатие „Водовод и канализација“ – Скопје информираат дека прекинот е поради дефект на огрлица на улицата „Дончо Штипјанчето“ бр. 20.
Дополнително, без вода од 10:45 часот се и корисниците на улицата „Св. Наум Охридски“ бр. 16, каде што има уличен дефект на водоводна цевка со профил Ф-80 милиметри.
Од претпријатието информираат дека станува збор за два одделни дефекти поради кои е прекинато водоснабдувањето на наведените локации.